Васілю Емяльянавічу Лявончыкаву 27 мая споўніцца 80 гадоў!

Шаноўнаму Васілю Емяльянавічу Лявончыкаву 27 мая споўніцца 80 гадоў! Уся бібліятэчная грамадскасць Беларусі даўно і добра ведае Васіля Лявончыкава. Ён вучыў усіх сённяшніх бібліятэкараў краіны і вучыць наступныя пакаленні. Аб яго педагагічнай, навуковай і грамадскай дзейнасці часопіс паведаміў у чацвёртым нумары гэтага году, дзе Васіль Емяльянавіч падзяліўся сваімі каштоўнымі ўспамінамі аб першых кроках Беларускай бібліятэчнай асацыяцыі, якія здзяйсняліся пры яго непасрэдным кіраўніцтве. Мы ведаем, што Васіль Емяльянавіч вельмі дапамагаў маладым навукоўцам бібліятэчнай галіны ў здзяйсненні іх амбіцыйных планаў, з’яўляецца заснавальнікам беларускай навукова-педагагічнай школы па бібліятэказнаўству, бібліяграфазнаўству і кнігазнаўству. Васіль Емяльянавіч, з юбілеем Вас! Доўгіх, шчаслівых гадоў жыцця і плёну ў педагагічнай і грамадскай дзейнасці! Рэдакцыя часопіса “Бібліятэка прапануе”.